ပန်းသေပန်းညှိုးရောဂါ

1,254

ယောက်ျားတွေမှာအဖြစ်များသလောက် ယောကျ်ားတိုင်းစိုးရိမ်ပူပင်ကြောက်ရွံနေတတ်တဲ့ရောဂါမှာ ပန်းသေပန်း ညှိုး (Loss of Libido) ပဲဖြစ်တယ်။

ပန်းသေပန်းညှိုးပြဿနာ

အမျိုးသားတွေမှာ အရေးကြီးတဲ့ပြဿနာတစ်ရပ်ဖြစ်လေ့ရှိပါတယ်။ မိမိကိုယ်မိမိ ပန်းသေပန်းညှိုးဖြစ်နေတယ် ဆိုပြီး ဟိုဆေးကောင်းနိုး၊ သည်ဆေးကောင်းနိုးနဲ့ နည်းပေါင်းစုံလိုက်လံစမ်းသပ်သုံး စွဲနေရသူများမနည်းလှပါ။ အချို့ကလည်း ပန်းသေပန်းညှိုးထက် ပိုမိုစွမ်းဆောင်နိုင်တဲ့ဆေးသုံးလိုကြတယ်။

ပန်းသေပန်းညှိုးခြင်းမရှိစေဖို့ အစွမ်းထက်မယ်ထင်တဲ့ကောင်းနိုးရာရာ အစာတွေ၊ ဥပမာ ကြက်ဥ၊ နွားနို့၊ ဖီးကြမ်း ငှက်ပျောသီး၊ နှမ်းလုံးကြိုင်၊ ခိုသွေး၊ မျောက်သွေး၊ နွားသိုး၊ ဖျံသို၊ ဝံသို၊ ဆိတ်ဝှေးစေ့၊ နွားကလေးဦးနှောက်၊ အိမ်မြှောင်၊ တောက်တဲ့တို့ရဲ့အသား၊ တိုက်လှောင်ကွမ်းသီးတို့ အမျိုးမျိုးစမ်းသပ်စားသောက်နေကြတယ်။ ထူးခြားမှုရှိသလို၊ မရှိတာလည်းများတယ်။ ခွေးလှေးယားသီးအစေ့ကို နေလှန်းအမှုန့်ထောင်းသောက်သူလည်း ရှိကြတယ်။ အချို့ယောကျ်းဟော်မုန်းပါ စားဆေး၊ ထိုးဆေးတို့အမြဲမပြတ်မှီဝဲပြီးနေသူတွေလည်း ရှိတယ်။

ပန်းသေပန်းညှိုးခြင်းဆိုတာ

ယောကျ်ားတစ်ယောက်အနေနဲ့ လိင်ဆက်ဆံမှု တိုင်းအောင်မြင်အောင် ဆောင်ရွက် နိုင်ခြင်းဖြစ်တယ်။ အမျိုးမျိုးလည်းဖြစ်နိုင်ပါတယ်။
(၁) လိင်ဆက်ဆံမှုပြုဖို့ အာသီသပြင်းပြသော်လည်း လိင်ဆက်ဆံမှုစတင်ဖို့ လိင်တံတောင့်တင်းမှုမရှိခြင်း၊
(၂) လိင်တံတောင့်တင်းလာပေမယ့် လိင်ဆက်ဆံမှုပြီးတဲ့အထိထိန်းမထားနိုင်ဘဲ တခဏအတွင်းပျော့သွားတတ် ခြင်း၊
(၃) အမျိုးသမီးနှင့်မဆက်ဆံမီ (သို့) မိမိကျေနပ်လောက်အောင်လှုပ်ရှာမှုမပြီးမီ သုက်ထွက်သွားခြင်း၊
(၄) လိင်ဆက်ဆံမှုပြီးပါလျက် သုက်လုံးဝမထွက်ခြင်းကြောင့် ကျေနပ်မှုမရှိခြင်းပဲဖြစ်တယ်။ နှစ်မျိုးခွဲနိုင်တယ် (က)ယာယီပန်းသေခြင်း (အခြေအနေ၊ နေရာဒေသ၊ အချိန်အခါအလိုက် တစ်ခါတစ်ရံ ပန်းသေခြင်းမျိုးဖြစ် တယ်။ (ခ)ထာဝရပန်းသေခြင်း (ဘယ်နေရာဒေသ၊ အချိန်အခါ၊ အခြေအနေ၊ မည်သူနဲ့မဆို လုံးဝလိင်မဆက်ဆံ နိုင်ပါ)

ပန်းသေပန်းညှိုးခြင်း၏အရင်းခံ

ပန်းသေပန်းညှိုးခြင်း၏အဓိက အရင်းခံမှာ စိတ်ကြောင့်ပဲဖြစ်တယ်။ ပန်းသေပန်းညှိုးခြင်းရဲ့ အခြေအမြစ်ဟာ လိင်ကိစ္စများစိုးရွံ့ခြင်း (Sexual Inferiority) ဖြစ်တယ်။ ပန်းသေပန်းညှိုးသူ ၈၀% မှာလွဲမှားတဲ့အယူအဆတို့နဲ့ စိတ်အနှောင့်အယှက်ဖြစ်နေရာမှ ပန်းသေပန်းညှိုးရလေတယ်။
(၁) လိင်ကိစ္စနဲ့ပတ်သက်ပြီး ရှက်ကြောက်မှုလွန်ကဲခြင်း၊ အယူသည်းခြင်း၊ လိင်ကိစ္စကိုအပြစ်ကြီးတစ်ခု၊ မ ကောင်းမှုဒုစရိုက်ကြီးတစ်ရပ်အနေဖြင့် ထင်မြင်နေပါတယ်။
(၂) ငယ်စဉ်ကသဘာဝမကျတဲ့ သုက်လွှတ်ခြင်းတွေပြုလုပ်ခဲ့ခြင်းကြောင့် ဤရောဂါရမယ်လို့ပူပန်နေပါတယ်။
(၃) မိမိရဲ့ လိင်အင်္ဂါကိုသူများထက်သေးတယ်လို့ ယူဆလို့ လိင်ဆက်ဆံရင်အောင်မြင်စွာ ရရှိမယ်ထင်ပြီး အင်္ဂါ ကြီးဆေး (Cilicon) ဆီလီကွန်ပတ်လည်ထိုးပြီး လိင်ကိစ္စအဆင်မပြေခြင်းရှိနေတယ်။
(၄) ယောကျ်ားဖြစ်ပါလျက် မိန်းမစိတ်ဝင်ခြင်း မိန်းမလျှာဖြစ်ခြင်း၊
(၅) လိင်ဆက်ဆံမှုပြုရင် ကလေးရမယ်၊ လူမိမှာကိုစိုးရိမ်ကြောက်လန့်ခြင်း။
(၆) အိမ်ထောက်ကျကာစမှာ တစ်ဦးနဲ့တစ်ဦး လိင်ကိစ္စအပေးအယူမမျှတခြင်း၊ လိင်သဘာဝနားမလည်ခြင်း၊ ကျင့်သားရေမဝသေးခြင်း။
(၇) အိမ်ထောင်သည်များမှာ ပတ်ဝန်းကျင် စီးပွားရေး၊ လူမှုရေးပြဿနာအ၀၀နဲ့ ရင်ဆိုင်နေရခြင်း။
(၈) အိမ်ထောင်သည် တစ်ဦးနဲ့တစ်ဦး ချစ်ခင်ယုယမှုမရှိခြင်း၊ လိင်ဆက်ဆံမှုကို ချစ်မေတ္တာနဲ့မပြုဘဲ၊ အိမ်ထောင် ကျရင်မဖြစ်မနေလုပ်ရတဲ့ လုပ်ရိုးလုပ်စဉ်တစ်ရပ်လို့ ယူဆပြီး စိတ်မပါခြင်း။
(၉) များပြားလှတဲ့ အခြားလူ့ဘောင်ကိစ္စအ၀၀ကြောင့် စိတ်ပင်ပန်းနေခြင်း၊ စိတ်ညစ်နေရခြင်းဖြစ်တယ်။

ပန်းသေပန်းညှိုးစေတဲ့ရောဂါများ

ပန်းသေပန်းညှိုးခြင်းဟာ စိတ်ကြောင့်သာအဓိကဖြစ်ပေမယ့် အောက်ပါရောဂါအခြေအနေကြောင့် ဖြစ်ရတတ်ပါ တယ်။
(၁) ဆီးချိုရောဂါ၊ ကာလသားရောဂါတို့ကြောင့် အာရုံကြောများပျက်စီးခြင်း
(၂) ဦးနှောက်ရှိ ဟိုက်ပိုသဲလမတ်မှာ ရောဂါရခြင်း
(၃) အကြောင်းအမျိုးမျိုးကြောင့် ခန္ဓာကိုယ်အောက်ပိုင်းတစ်ခုလုံး အကြောသေနေခြင်း
(၄) နာတာရှည်ရောဂါတစ်ခုခု ဥပမာ- အဆုတ်နာရောဂါကြောင့် ခန္ဓာကိုယ်အားနည်းလွန်းခြင်း
(၅) မွေးကတည်းက လိင်အင်္ဂါများချွတ်ယွင်းနေခြင်း
(၆) လိင်အင်္ဂါအနာပေါက်ခြင်း၊ လိင်တံကင်ဆာဖြစ်ခြင်း
(၇) ဆင်ခြေထောက်ရောဂါ၊ မုတ္တ (ရေမုန့်) ရောဂါတွေကြောင့် ဒုက္ခရောက်ရခြင်း
(၈) လွန်စွာအိုမင်းမစွမ်းဖြစ်နေခြင်း
(၉) အလွန်အမင်း အလုပ်ပင်ပန်းခြင်း
(၁၀) အရက်၊ ဘီယာ၊ ကွမ်းယာ၊ အရက်အသောက်များခြင်းတို့ပါဝင်ပါတယ်။

ပန်းသေပန်းညှိုးကင်းစေဖို့

ပန်းသေပန်းညှိုးခြင်းမှကင်းစေဖို့ ဆင်ခြင်လိုက်နာသင့်လှပါတယ်။
(၁) မည်သည့်အကြောင်းနဲ့မဆို လိင်ကိစ္စကိုပူပန်စိုးရွံ့မှုများကို တက်နိုင်သမျှဖယ်ရှားပစ်သင့်တယ်။
(၂) လိင်သဘာဝနဲ့ပတ်သက်ပြီး မှန်ကန်တိကျအောင် နားလည်ထားဖို့လိုအပ်လှပါတယ်။
(၃) မိမိရဲ့ လိင်အင်္ဂါဟာလူစဉ်မမီဖြစ်နေတယ်၊ သူတစ်ပါးထက်သေးတယ်လို့ မယူဆသင့်ပါ။ သူလိုကိုယ်လိုပဲ ဖြစ်တယ်။
(၄) သုတေသနအရ သဘာဝမကျတဲ့ သုက်လွှတ်ခြင်း၊ မိမိလက်နဲ့အာသာဖြေခြင်း၊ “တန်ဆေးလွန်ဘေး” မဖြစ် သင့်ပါ။
(၅) အိမ်ထောင်သည်များ တစ်ဦးနဲ့တစ်ဦး ချစ်ခင်ယုယစွာဖြင့်နားလည်မှု အပြည့်အဝရှိကြဖို့လိုအပ်ပါတယ်။
(၆) များပြားလှတဲ့ လုပ်ငန်းဆောင်တာများနဲ့ တာဝန်ပိနေခြင်းကြောင့် လိင်ကိစ္စမှာ စိတ်ပါဝင်စားမှုနည်းနေတတ် တာသတိပြုသင့်ပါတယ်။
(၇) သည်လိုစိတ်နေစိတ်ထားကို ပြုပြင်ပေးခြင်း၊ လိင်သဘာဝကိုတိကျမှန်ကန်နားမလည်ခြင်း၊ ရောဂါရှိခြင်းဖြစ် တယ်။
(၈) အခြားရောဂါများမရှိဘဲ ပန်းသေပန်းညှိုးခြင်းဖြစ်နေသေးပါက စိတ်ပညာရှင်၊ မိသားစုဆရာဝန်တို့နဲ့ ပြသ တိုင်ပင်သင့်ပါတယ်။ “နှစ်သိမ့်ဆွေးနွေးမှုတွေ” လုပ်ပေးသင့်ပါတယ်။

Author – ဒေါက်တာလွင်သန့်

-- Advertisement --

ဆက်စပ် ဆောင်းပါးများ

Comments

Loading...

Subscribe To Our Newsletter

Join our mailing list to receive the latest news and updates from our team.

You have Successfully Subscribed!