ဘဏ်

36

ဒီနေ့ရုံးပိတ်ရက်လည်းဖြစ် ဆေးရုံ Duty လည်းမရှိတော့ ဒေါက်တာကျော်စွာတစ်ယောက် အိမ်မှာအေးအေး ဆေးဆေးအနားယူမယ်လို့ စဉ်းစားနေတုန်း
“အစ်ကိုရေ၊ ကိုကျော်စွာ”
အိမ်ရှေ့မှခေါ်သံကြောင့် ကပြာကယာထကြည့်မိတော့

“ဘယ်သူလဲမှတ်တယ်၊ ညီဝမ်းကွဲ နေလင်း”

“ဟေ့ကောင် နေလင်း၊ မလာစဖူးပါလား။ လာလာ အတော်ပဲ။ ငါလည်း ဒီနေ့မှအားတာကွ။ ဝင်လာလေ”
“ဟုတ်ကဲ့တော်သေးတာပေါ့၊ အစ်ကိုအိမ်မှာရှိလို့”
ဝင်လာတော့ ဒီကောင့်ဘေးမှာ ကောင်မလေးတစ်ယောက်။ စိတ်ထဲမှာနေ့ခင်းကြောင်တောင်ကြီး ဒီကောင်မိန်းမ ခိုးလာတယ်ထင်ပြီး

“ဟိတ်ကောင် မင်းဘာတွေ လုပ်လာတာလဲ”
“ဗျာ ဘာမှမလုပ်ပါဘူး အကိုရ။ ဒါကျွန်တော့ ကောင်မလေး ‘ဖြူ’ တဲ့၊ ချစ်သူဖြစ်တာသိပ်မကြာသေးဘူး။ သူ့ကိစ္စ လေးအကူအညီတောင်းချင်လို့”
“ဘာကိစ္စလည်းကွ မင်းကစကားကိုသေချာပြော”
“ဟုတ်ကဲ့ပါ အကိုတလွဲမတွေးနဲ့။ ကျွန်တော်တို့က ရိုးရိုးသားသားပါ။ သူကဘဏ်မှာလုပ်တာ။ တစ်နှစ်ကျော်ပြီ၊ အခုချောင်းတွေဆိုးနေတာ တောက်လျောက်ပဲ။ တစ်လတောင်ကျော်နေပြီ။ ဆေးခန်းပြဆိုလဲ မပြရဲလို့တဲ့။ အဲ ဒါကြောင့် အကိုဆီခေါ်လာတာ”
ကောင်မလေးကိုကြည့်တော့ ချောင်းဆိုးနေတာကလွဲလို့ လန်းလန်းဆန်းဆန်းပဲ
“ချောင်းဆိုးတာ တောက်လျောက်ပဲလား ညီမ”

“ဟုတ်ကဲ့ရှင့်”
“သလိပ်ရလား”
“မရတာ များတယ်။ လည်ချောင်းထဲကယားပြီး ဆိုးတာ။ တစ်ခါတစ်လေ ကျတော့ရတယ်”
“သွေးပါသေးလား ညီမ”
“မပါပါဘူး ပုံမှန်ပါပဲ”
“ချောင်းဆိုးတာအပြင် ဘာဖြစ်သေးလဲ။ မောလား၊ ကျပ်လား၊ ဖျားသေးလား၊ အစားအသောက်ပျက်လား၊ ပိန် လာလား”
“တစ်ခါတစ်လေတော့ မောတယ်၊ ကျပ်တယ်။ အရမ်းတော့ မဟုတ်ဘူး။ ကျန်တာအကုန်ကောင်းပါတယ်။”
“ဘယ်လိုအခါမျိုးလည်း”
“အလုပ်ဆင်းတဲ့ရက်ဆို ပိုသိသာတယ်”
“ဘဏ်မှာလုပ်တာကြာပြီလား”
“ဟုတ်ကဲ့ရှင့် တစ်နှစ်ကျော်သွားပြီ”
“အခုမှဒီလိုဖြစ်တာလား”

“အရင်ကတော့ တစ်ခါတစ်လေဖြစ်ဖူးတယ်။ ဒီလောက်မကြာဘူး။ ချောင်းဆိုးပျောက်ဆေးသောက်လိုက်ရင် သက်သာသွားတယ်။ ဒီတစ်ခါကကြာနေတာ။ နှစ်လလောက်တောင်ရှိတော့မယ်။”
“ဘဏ်မှာလုပ်တာ နှာခေါင်းစည်းတပ်လား”

“တပ်ပါတယ်ရှင့်”
“ဘဏ်မှလုပ်တဲ့အခါ ပိုက်ဆံတွေကနေ အနံ့ရှုမိသလိုတော့ဖြစ်နေလိမ့်မယ်။ ပိုက်ဆံကအသစ်လည်းပါမယ်။ အဟောင်းတွေဆို ပိုဆိုးတယ်။ မှိုနံ့တွေပါပါတတ်တယ်။ နှာခေါင်းစည်းတပ်တာကတော့ ကောင်းတယ်။ ဒါပေ မယ့်လက်က ပိုက်ဆံကိုင်လိုက် နှာခေါင်းစည်းကိုင်လိုက်လုပ်မိရင် ဖြစ်ဖြစ်၊ နှာခေါင်းစည်းမချွတ်ဘဲ ဖုန်းပြော၊ အလုပ်ပြီးတော့လည်း ဒီဖုန်းပဲပြောတော့ အနံ့တွေပါနိုင်တယ်။ ဘယ်လိုရှောင်ရှောင် ရှုမိမှာပဲ။”

“ဟုတ်ကဲ့ရှင့်”
“အကို အကြံပေးကြည့်မယ်လေ။ ချောင်းဆိုးတာရှည်နေတော့ ဓာတ်မှန်တော့ရိုက်ထား။ မနက်နဲ့ည ရေနွေးနဲ့ ဆားပလုပ်ကျင်းပေးပါ။ ဘာပဲစားစား ပြီးရင်ရေနွေးအဖြူသောက်ပေး။ အငွေ့အမှုန်တွေ တတ်နိုင်သလောက် ရှောင်ပါ။ လေကောင်းလေသန့် များများရှုပါ။ အားရှိတာစား။ ချောင်းဆိုးပျောက်ဆေး အရည်ဖြစ်ဖြစ်၊ ငုံဆေး ဖြစ်ဖြစ်သောက်ထားပေါ့”
“ဟုတ်ကဲ့ရှင့်။ အကိုကိုတစ်ခုလောက်မေးချင်လို့ပါ”
“မေးပါ ညီမ”
“ဘဏ်မှလုပ်တာက ကျန်းမာရေးကိုထိခိုက်စေလား”
“အဲလိုတော့ အမြဲမဟုတ်ဘူး။ ခဏတဖြုတ်လုပ်တဲ့ သူတွေကတော့ ဘာမှမဖြစ်တတ်ဘူး။ ပိုက်ဆံတွေသိပ်မ ကိုင်ရရင်လည်း ဘာမှမဖြစ်တတ်ဘူး။ ပိုက်ဆံအနံ့တွေ ရှုရများတဲ့သူကျတော့ အဆုတ်ကိုထိခိုက်နိုင်တယ်။ နှာခေါင်းစည်းတပ်ပေမယ့် စောစောကလို ပိုက်ဆံကိုင်လိုက် နှာခေါင်းစည်းကိုင်လိုက်ဆိုဖြစ်မှာပဲ”

“အဆုတ်မှာ ဘာထိတာလဲ အကို”
“ရင်ကျပ်လိုပုံစံဖြစ်နိုင်တယ်။ အနံ့တွေကြောင့် ကျပ်မယ်၊ လေပြွန်တွေယောင်မယ်၊ ချောင်းဆိုးမယ်၊ ကြာလာ ရင်အဆုတ်ပွတာတွေလည်းဖြစ်နိုင်တယ်။ ခြောက်ပြီးကျုံ့တာမျိုးလည်း ဖြစ်နိုင်တယ်။”
“အဲဒါတွေက ဆိုးလား”
“ဆိုးလား ဆိုတာတွေက ရောဂါအခြေအနေပေါ်မူတည်တာပေါ့။ အစပဲဆိုရင် သေချာအနားယူမယ်။ အငွေ့အ မှုန်အနံ့ရှောင်မယ်ဆိုရင် ပြန်ပျောက်နိုင်တာပေါ့။ ကြာနေပြီ၊ ရောဂါလည်းရင့်တယ်ဆိုရင်တေ့ာ နားလည်းမ ပျောက်နိုင်တော့ဘူး။ နာတာရှည်ဖြစ်နိုင်တယ်။”

“TB တို့ကင်ဆာတို့နဲ့ တူသလားရှင့်”
“TB လည်းမဟုတ်ဘူး။ ကင်ဆာလည်းမဟုတ်ဘူး”
“ဟုတ်ကဲ့ရှင့် ညီမကအခု ဘယ်အဆင့်ရောက်နေပြီလဲ မသိဘူးနော်”

“ညီမရဲ့ အခုကဘာကြောင့်ဖြစ်တယ်ဆိုတာ တောင်မသိသေးဘူး။ အပေါ်ကပြောတာတွေလည်းလုပ်၊ ဓာတ် မှန်တွေလည်းရိုက်၊ ပြီးရင်အကို့ကိုပြန်ပြပေးပါ”
“ဟုတ်ကဲ့ပါရှင့်၊ ကျေးဇူးတင်ပါတယ်ရှင့်”
“ဟုတ်တယ်အကိုရာ၊ ကျွန်တော်လည်း ကျေးဇူးအများကြီးတင်ပါတယ်။ ကျွန်တော်လည်းသူဖြစ်နေတာမြင် တော့ အကို့ကိုသတိရမိလို့ပါ”

“အေးပါကွာ၊ ရပါတယ်။ မင်းကတော့ ငါ့ကိုနှိပ်စက်နေကြပဲလေ”
သုံးယောက်သား ပြိုင်တူရယ်မိလိုက်ကြပါတယ်။

Author – Dr. CST

READ :   အသိမေ့ခြင်း

Comments

Loading...
-- Advertisement --

ဆက်စပ် ဆောင်းပါးများ