သင့်ရဲ့ရာသီလာခြင်းကို အမျိုးအစားခွဲပါ

5,492

ကြိုက်သည်ရှိ၊ မကြိုက်သည်ရှိ မီးယပ်သွေးပေါ်ခြင်းဟာ အမြဲချောချောမောမောမရှိပါ။ ပြဿနာက ဘယ်လိုပဲဖြစ်ဖြစ် ဒီအတိုင်း လိုက်ပြီးမနေဘဲ ဘာတွေဖြစ်နိုင်တယ်။ ဘယ်လိုပြုပြင်ဖို့ ကူညီနိုင်တယ်ဆိုတာကို ကြည့်ရအောင်။

အလွန်အကျွံရာသီလာခြင်း

ရာသီလာခြင်းဟာ သာမန်ထက်ပိုများနေတာကို သတိထားမိပါသလား။ နေ့စဉ်ပုံမှန်သွားလာလုပ်ကိုင် နေထိုင်မှုကို အနှောင့်အယှက်ဖြစ်လာရင် အလွန်အကျွံရာသီလာတယ်လို့ ယူဆရပါတယ်။ ဒီလိုဖြစ်တာဟာ အသက်အရွယ်မရွေး ဖြစ်တတ် ပါတယ်။ အသက်ကြီးတဲ့ အမျိုးသမီးတွေမှာ သဘာဝအားဖြင့် ရာသီလာချိန်ဟာ တစ်ခုနဲ့တစ်ခု နီးကပ်နေပြီး၊ များများဖြစ်လာ တတ်တယ်။ အသက် ၃၀ နဲ့ ၅၀ ကြားအမျိုးသမီး ငါးဦးမှ တစ်ဦး ဟာမူမမှန်တဲ့ သားအိမ်သွေးဆင်းခြင်း ဖြစ်တတ်တယ်လို့ Spire Bushey and Kings Oak BMI ဆေးရုံများမှ အကြံပေးမီးယပ်အထူးကုဆရာဝန် နီတူဘာဂျီကော် ကဆိုတယ်။

ဘာကြောင့်ဖြစ်တာလဲ

အလွန်အကျွံရာသီလာတာဟာ အမျိုးသမီးအများစုမှာ စိုးရိမ်စရာကောင်းလောက်တဲ့ ပြဿနာတွေမရှိပါ။ အမျိုးသမီးအ နည်းစုမှာ သားအိမ်အတွင်း မျက်နှာပြင်ထူနေခြင်း ဒါမှမဟုတ် ရာသီလာမှု ဆိုးရွားစေတဲ့ ဖိုင်းဘရွိုက်ဟု ခေါ်သော မပြန့်ပွားတဲ့ အဖုအကြိတ်ရှိတယ်လို့ နီတူကဆိုတယ်။

ဘယ်လိုအရေးယူဆောင်ရွက်မလဲ

တကယ်လို့ နောက်ဆုံးလာတဲ့ ဓမ္မတာ သုံးခုက ပုံမှန်ထက်ပိုကြာနေခြင်း၊ ဒါမှမဟုတ် ခါတိုင်းထက်ပိုနာ ကျင်နေခြင်း၊ သွေးခဲများနှင့် လွန်မင်းစွာသွေးဆင်းခြင်း ဖြစ်ရင် သက်ဆိုင်ရာ ဆရာဝန်နဲ့ပြဖို့ အရေးကြီးပါတယ်။ ရာသီလာချိန်နဲ့ တစ်ခုကြား ဒါမှမဟုတ် လိင်ဆက်ဆံပြီးနောက်၊ ပုံမှန်မဟုတ်တဲ့ သွေးဆင်းခြင်းဖြစ်ရင် ဒီလက္ခဏာတွေကို လျစ်လျူမရှုဘဲ ဆရာဝန်နဲ့ စောနိုင်သမျှစောစောပြပါ။ သင်ဟာ အသက် ၄၀ကျော်နေရင် စောစောအကြံဉာဏ်ယူဖို့ အရေးကြီးပါတယ်။ အကြိုကင်ဆာနဲ့ ကင်ဆာဖြစ်နေသောပြောင်းလဲမှုတွေက အလွန် အကျွံရာသီလာမှုထက် အပြောင်းအလဲမြန်သော သွေးဆင်းမှုကို ဖြစ်စေတယ်။ ဒီထက်ပြောင်းလဲမှုတွေ အထူး သဖြင့်အသက် ၄၀အောက် အမျိုးသမီးများတွင် တော်တော်ရှားပါးပါတယ်။

လတိုင်းသွေးများများ ဆုံးရှုံးနေရင်ကျန်းမာတဲ့ လူနေမှုဘဝက အရေးကြီးပါတယ်။ အရွက်စိမ်းဖားဖားရှိ တဲ့ဟင်းသီး ဟင်းရွက်များတဲ့ အစားအစာက သံဓာတ်မြှင့်တက်စေတယ်လို့ နီတူကဆိုတယ်။ အဆီနည်းပြီး အမျှင်များတဲ့ အစားအစာ တွေဖြစ်တဲ့ ဟင်းသီးဟင်းရွက်၊ သစ်သီးတွေ၊ ပဲတောင့်ရှည်မျိုး၊ ပဲတွေနဲ့ ဂျုံကောက်နှံ တွေကလိုအပ်တဲ့ ဗီတာမင်တွေ၊ သတ္ထု ဓာတ်တွေအပြင် လိုအပ်တဲ့ပရိုတိန်းနဲ့ ကယ်စီယမ်တွေကို ပေးနိုင်တယ်။

ရာသီလာရင် နာကျင်ခြင်း

အမျိုးသမီးငယ်တွေမှာ ရာသီလာရင် နာကျင်တာဟာ သာမန်မျှသာဖြစ်ပြီး အန္တရာယ်မရှိပါ။ အသက် ကြီးလာတဲ့အခါမှာ နာကျင်မှုဟာပြဿနာတစ်ခု ဖြစ်တယ်။

ဘာကြောင့်ဖြစ်တာလဲ

အသက်ကြီးတဲ့အခါ ရာသီလာစဉ်နာကျင်လာရင် ဆင့်ပွားရာသီလာနာခြင်းဟု ခေါ်ပြီး၊ ပိုပြီးဆိုးရွားလာ နိုင်တယ်။ မကြာ ခဏ ၎င်းက ဆေးပညာပြဿနာဖြစ်တဲ့ သားအိမ်အတွင်း အမြှေးနယ်ကျွံရောဂါကို ညွှန်ပြနေ တယ်ဟု နီတူကဆိုတယ်။ ဒီဟာ ဖြစ်နိုင်တယ်လို့ သံသယရှိရင် ဆရာဝန်နဲ့ပြပါ။

ဘယ်လိုအရေးယူဆောင်ရွက်မလဲ

ရနံ့ကုထုံးက နာကျင်တဲ့ ရာသီလာမှုကို သက်သာစေတယ်လို့ သိပ္ပံနည်းအရစမ်းသပ်ပြီး ဖြစ်ပါတယ်။ ရနံ့ကုထုံးအတွက် အကိုက်အခဲပျောက်စေတဲ့ အာနိသင်ရှိ ရနံ့မွှေးဆီတွေက ထိရောက်ပါတယ်။ ရနံ့မွှေးဆီတွေ
ဖြစ်တဲ့ လာဗင်ဒါ၊ ကလဲရီဆေ့ဂျ်နဲ့ မာဂျိုရမ်တို့ကို အနံ့မရှိတဲ့ ကရင်မ်နဲ့ရောပြီး ဝမ်းဗိုက်တွင်နေ့စဉ် လိမ်းသပ်နှိပ် နှယ်ပေးခြင်းဖြင့် ရာသီလာစဉ် နာကျင်တဲ့အချိန်ကာလ လျော့လာတာကို တွေ့ရမည်ဖြစ်ကြောင်း အကြံပေးရနံ့ ကုထုံးကျွမ်းကျင်သူ ဂျိုအင်နာ မက်ကယ့်ဖဲက ဆိုတယ်။

မီးယပ်သွေးမပေါ်မီ ရောဂါလက္ခဏာ (PMS)

ဒီလက္ခဏာက အမျိုးသမီး တစ်ဦးနဲ့တစ်ဦးမှာ ကွဲပြားပါတယ်။ ဖောင်းပွနေတာ၊ စိုးရိမ်ပူပန်တာ၊ စိတ် ဓာတ်ကျတာနဲ့ ကိုယ့်ကိုယုံကြည်မှု လျော့နည်းတာတွေကို ခံစားရတယ်။ စိတ်ပြောင်းလဲတာ၊ ငိုချင်တာနဲ့ အချို့ အစားအစာတွေကို အာသာပြင်း ပြခြင်းတို့လည်း ဖြစ်တတ်တယ်။

ဘာကြောင့်ဖြစ်တာလဲ

မီးယပ်သွေးမပေါ်မီ ရောဂါလက္ခဏာများဟာ ရာသီသွေးမစမီ ဟိုမုန်းတက်ကျနဲ့ ဆက်စပ်နေကြောင်း ၎င်းဟာ သီတင်းနှစ်ပတ်ထိ ကြာပြီးအကြောင်းရင်း အတိအကျမသိရသေးကြောင်း နီတူကဆိုတယ်။

ဘယ်လိုအရေးယူဆောင်ရွက်မလဲ

အဝလွန်သူများ PMS ကိုခံစားနိုင်လို့ ကိုယ်အလေးချိန်ကိုလျော့ပါ။ သိမြင်တတ်သော အပြုအမူနဲ့ကုသနည်းက အပျက် သဘောဆောင်အတွေးအမြင် ပုံစံများပြောင်းလဲရေး အတွက်အထောက်အကူပြုနိုင်တယ်။ အစိမ်းရောင် အရွက်ဖားဖား ဟင်းသီးဟင်းရွက်များ ကိုစားပါ။ ဟင်းသီးဟင်းရွက်မှရသော သံဓာတ်ကိုစားသုံးသူ များဟာ PMS ဖြစ်နိုင်ချေကို လျှော့ချနိုင် ကြောင်းလေ့လာရေးတစ်ခုက ဆိုတယ်။

READ :   ကိုယ်ဝန်ဆောင်ချိန်တွင်အဆီများသောအစားအစာစားသုံးမှုမြင့်မားပါကမျိုးဆက်သုံးဆက်အထိအကျိုးသက်ရောက်နိုင်
မီးယပ်သွေးပေါ်မှုနည်းခြင်း

လစဉ်မီးယပ်သွေးပေါ်မှု အနည်းငယ်မျှသာ ဖြစ်တာလည်းရှိပါတယ်။ အသက်ကြီးတဲ့အခါ အလွန်နည်းတာဟာပုံမှန် ဖြစ် တယ်လို့ မှတ်ယူနိုင်တယ်။

ဘာတွေဖြစ်နေတာလဲ

ပြင်းထန်တဲ့အားကစား သင်တန်းနဲ့ ကိုယ်လက်လှုပ်ရှားလေ့ကျင့်ခန်းတွေက လစဉ်ပုံမှန်ရာသီလာခြင်း ကိုပြောင်းလဲစေ နိုင်ပြီး သွေးထိန်းခြင်းကိုပင် ဖြစ်စေနိုင်တယ်လို့ ဆရာဝန်တစ်ဦးကဆိုတယ်။ ၎င်းက သားအိမ် တွေရဲ့ ချွတ်ယွင်းမှုကို ဖြစ်စေနိုင် ပြီး ဒီချွတ်ယွင်းမှုက မျိုးအောင်ခြင်းနဲ့ ကိုယ်ဝန်ဆောင်နိုင်မှု အခွင့်အရေးကိုထိ ခိုက်စေနိုင်တယ်လို့ ၎င်းကဆိုတယ်။
ရာသီသွေးဆင်းခြင်း သိပ်နည်းနေရင် သွေးဆုံးချိန်နီးလာပြီလို့ ဆိုနိုင်တယ်။ ဒါမှမဟုတ် အရည်အိတ် များစွာရှိသော သားအိမ်ရောဂါ PCOS ဖြစ်နိုင်တယ်။ လူလတ်ပိုင်းအရွယ် အထူးသဖြင့် အဝလွန်ရင် PCOS ပိုဖြစ် နိုင်တယ်။

ဘယ်လိုအရေးယူဆောင်ရွက်မလဲ

ဆရာဝန်ကိုပြပြီး PCOS ဖြစ်နေတယ်လို့ ရှာဖွေတွေ့ရှိရင် ကိုယ်အလေးချိန်ကိုလျော့ဖို့ ကြိုးစားပါ။ PCOS ကိုကိုင်တွယ် ဖြေရှင်းဖို့ အရေးကြီးပါတယ်။ ဘာကြောင့်လဲဆိုတော့ ခံစားနေရသူတွေဟာ ဇီဝတွင်းဖြစ်ပျက်မှုဆိုင် ရာရောဂါ၊ သန္ဓေအောင်နိုင်မှု လျော့နည်းခြင်းနဲ့ ဝမ်းဗိုက်ကင်ဆာဖြစ်နိုင်ချေ ပိုများတယ်လို့ နီတူက ဆိုတယ်။ မချက်မီနီရဲသောအသားနဲ့ နို့ထွက်ပစ္စည်းများကို ရှောင်ကြဉ်ခြင်းဖြင့် စားသုံးတဲ့အက်စထရိုဂျင် ပမာဏကိုလျော့ သွားစေနိုင်တယ်။

Author – နှင်းအေးဝေ (Healthcare)

Comments

Loading...
-- Advertisement --

ဆက်စပ် ဆောင်းပါးများ