သိထားရမဲ့ မွေးကင်းစတွေရဲ့   အမြင်အာရုံဖွံ့ ဖြိုးပုံအဆင့်ဆင့်

သိထားရမဲ့ မွေးကင်းစတွေရဲ့   အမြင်အာရုံဖွံ့ ဖြိုးပုံအဆင့်ဆင့်

မွေးကင်းစကလေးတွေမှာ အမြင်အာရုံဟာ ပြီးပြည့်စုံစွာ ဖွံဖြိုးမှုမရှိသေးတာကြောင့် မြင်တော့မြင်ရပေမယ့် အရွယ်ရောက်ပြီးသားလူကြီးတွေမြင်သလိုတော့ ကောင်းစွာမမြင်ရသေးပါ။

လူကြီးတွေမြင်သလိုကောင်းစွာမြင်ရဖို့ဆိုရင် မွေးပြီးတနှစ်လောက်ထိအချိန်ယူဖို့လိုပါတယ်။ကလေးအသက်တနှစ်ပြည့်တဲ့အခါမှသာ လူကြီးတွေမြင်သလို ကောင်းစွာမြင်ရပါတယ်။

ဒီတပတ်မှာ မွေးကင်းစကလေးတွေရဲ့ အမြင်အာရုံဖွံ့ဖြိုးမှုအဆင့်ဆင့်ကို ရေးသားတင်ပြချင်ပါတယ်။

မွေးကင်းစမှသုံးလထိ

မွေးကင်းစကလေးတွေရဲ့အမြင်လွှာ Retina ပေါ်မှာရှိတဲ့အာရုံကြောဆဲလ်တွေနဲ့အမြင်အာရုံကို ထိန်းချုပ်တဲ့ဦးနှောက်ရဲ့အစိတ်အပိုင်းတွေက သိပ်မဖွံ့ဖြိုးသေးတဲ့အတွက် မွေးစကနေတပတ်လောက်ထို ကလေးတွေဟာ သူတို့ရဲ့ပတ်ဝန်းကျင်ကိုကြည့်ရင် အဖြူအမည်းပုံရိပ်တွေအနေနဲ့ပဲမြင်ရပါတယ်။

တပတ်ကျော်လောက်မှ အနီရောင်၊လိမ္မော်ရောင်၊အဝါရောင်နဲ့အစိမ်းရောင် တွေကိုမြင်နိုင်ပါတယ်။အပြာရောင်နဲ့ခရမ်းရောင်တွေကိုတော့ မွေးပြီးနှစ်ပတ်သုံးပတ်လောက်မှာမှ မြင်နိုင်ပါတယ်။

မွေးစကနေ တလအရွယ်လောက်ထိကို ကလေးငယ်တွေဟာ သူတို့ရဲ့ပတ်ဝန်းကျင်ကအလင်းရောင်တွေကို အာရုံမခံနိုင်သေးပါ။

မွေးစကနေတလအရွယ်ကလေးတွေမှာ Light Detection threshold လို့ခေါ်တဲ့ အလင်းစူးမှုကိုခံနိုင်ရည်ဟာ အရွယ်ရောက်လူတွေထက် ၅၀ ရာခိုင်နှုန်းပိုမြင့်နေတဲ့အတွက် သာမန်အလင်းလောက်ကို အာရုံမခံနိုင်တာပါ။

အရွယ်ရောက်သူတွေဟာ မီးချောင်းဖွင့်ထားရင် မီးချောင်းကအလင်းကိုအာရုံခံနိုင်ပြီးလင်းနေမှန်းသိပေမယ့် မွေးကင်းစကနေတလအရွယ်ထိကလေးငယ်တွေကတော့ မသိနိုင်ပါဘူး။

ဒါ့အပြင် မွေးစကနေ ၃လထိ အရာဝတ္ထုတခုကိုကြည့်တဲ့အခါ ပြတ်ပြတ်သားသားအာရုံစိုက်ကြည့်တာမျိုးတွေ၊ဘေးဘီဝဲယာလိုက်ကြည့်တဲ့အခါ မျက်လုံးနှစ်လုံးအတူတကွ အတွင်းအပြင် ပြိုင်တူရွေ့တာမျိုးတွေလည်း မလုပ်နိုင်သေးပါ။

ဒါကြောင့်ပထမသုံးလအတွင်းမှာ မိခင်မျက်နှာကိုစိုက်ကြည့်တာမျိုးမရှိရင်၊ဘေးဘီဝဲယာကြည့်တဲ့အခါ ရွေ့လျားနေတဲ့အရာကိုကြည့်တဲ့အခါ မျက်စိနှစ်လုံးကပြိုင်တူရွေ့တာမရှိရင် သိပ်စိတ်မပူပါနဲ့။(တချို့မေမေတွေက သူတို့ရဲ့မွေးကင်းစသားသမီးကိုနို့တိုက်တဲ့အခါ သားသားမီးမီးလေးတွေအနေနဲ့ သူတို့မျက်နှာကိုစိုက်မကြည့်ရင် စိတ်ပူတတ်ကြပါတယ်။)

သုံးလမှခြောက်လ

သုံးလမှခြောက်လအတွင်းမှာတော့ ကလေးရဲ့ဦးနှောက်က အမြင်အာရုံကိုထိန်းချုပ်တဲ့အစိတ်အပိုင်းတွေဟာ ကောင်းစွာဖွံ့ဖြိုးလာပြီဖြစ်တဲ့အတွက် ကလေးဟာအရာဝတ္ထုတွေကိုကြည့်တဲ့အခါ စူးစိုက်ပြီးကြည့်နိုင်လာသလို ဘေးဘီဝဲယာကြည့်တဲ့အခါမှာလည်း မျက်လုံးနှစ်လုံးစလုံးပြိုင်တူစည်းချက်ကျ ရွေ့နိုင်လာပါတယ်။

အလင်းကိုကောင်းစွာအာရုံခံနိုင်လာပြီး အရောင်တွေအားလုံးကိုလည်းကောင်းစွာခွဲခြားမြင်နိုင်လာပါပြီ။

ဒါ့အပြင် အကွာအဝေးခန့်မှန်းမှုလည်းအားကောင်းလာပြီး Hand eye coordination လို့ခေါ်တဲ့ လက်နဲ့မျက်လုံး တွဲဖက်လုပ်ဆောင်ခြင်း(မြင်တဲ့အရာဝတ္ထုကိုလက်နဲ့လှမ်းဆုပ်ကိုင်တာ၊ထိတာ)တွေ စပြီးလုပ်နိုင်လာပါတယ်။

၇လမှတနှစ်

ဒီအသက်အရွယ်မှာတော့ ကလေးတွေရဲ့အမြင်အာရုံ အကွာအဝေးခန့်မှန်းမှုကလည်း ပိုကောင်းလာပြီး တွားသွားတာ၊လှိမ့်တာတွေကို အကွာအဝေးအတော်များများထိလုပ်နိုင်လာပါတယ်။

Hand eye coordination လို့ခေါ်တဲ့ လက်နဲ့မျက်လုံး တွဲဖက်လုပ်ဆောင်ခြင်းစွမ်းရည်ဟာလည်း ပိုကောင်းမွန်လာကာ အရာဝတ္ထုတွေကို ဆုပ်ကိုင်နိုင်ရုံသာမက တနေရာကို ပစ်ပေါက်တာမျိုးတွေပါ လုပ်နိုင်လာပါတယ်။

Dr 528