အမျိုးသမီးများနှင့် အီစထရိုဂျင် ဟော်မုန်းမမျှတမှု

643

အီစထရိုဂျင်ဟော်မုန်း များပြားခြင်းဟာ အကြောင်းတော်တော်များများကြောင့် ဖြစ်လေ့ရှိပါတယ်။ အများအားဖြင့်တော့ လူသားတို့ရဲ့ ပတ်ဝန်းကျင်မှာ များပြားလာတတ်တဲ့ အီစထရိုဂျင်ဟော်မုန်းနှင့် ဆင်တူသော အရာများက ခန္ဓာကိုယ်အတွင်းမှ အီထရိုဂျင်ဟော်မုန်းများ ထုတ်လုပ်မှုကို များပြားစေခြင်းဖြင့် သဘာဝအတိုင်း ဖြစ်ပေါ်နေသော ဟော်မုန်းညီမျှမှုကို ပျက်ယွင်းသွားစေနိုင်တဲ့ အတွက်ဖြစ်ပါတယ်။

၎င်းပစ္စည်းများမှာ ရှောင်ရှားရခက်ပြီး ပလတ်စတစ်ထုတ်ကုန်များ၊ ပေါင်းသတ်ဆေး၊ ပိုးသတ်ဆေးသန္ဓေတားဆေး၊ အိမ်သုတ်ဆေး၊ ဆပ်ပြာမှုန့် ၊ အိမ်သာသုံး ပစ္စည်းများ၊ ကာလာပါသော စာရွက်များ၊ သုတ်ပိုးသေဆေးများစသည့် အရာအမျိုးမျိုးမှာ ပါဝင်နေလေ့ရှိကြပါတယ်။ ယုတ်စွအဆုံး နွားနို့တွေမှာ ပင်လယ်သမားများက နွားမများကို ဟော်မုန်းဆေးများ တိုက်ကျွေးထားလေ့ရှိတဲ့အတွက် အီစထရိုဂျင်ဟော်မုန်းများ ပါဝင်နေနိုင်ပါတယ်။

ခန္ဓာကိုယ်တွင်း အီစထရိုဂျင် ဟော်မုန်းလွှမ်းမိုးရသည့် အကြောင်းရင်းများထံတွင် စိတ်ဖိစီးမှုလည်း ပါဝင်ပါတယ်။ ဘာကြောင့်လဲဆိုတော့ စိတ်ဖိစီးရင်ထွက်လာတတ်တဲ့ ကော်တီဆောဟော်မုန်းနှင့် မဟော်မုန်းတစ်မျိုးဖြစ်သော ပရိုဂျက်စတီရုန်းတို့ဟာ ဇီဝဖြစ်ပျက်ပြောင်းလဲမှုမှာ လမ်းကြောင်းတစ်ခုတည်း ဖြစ်နေတတ်သောကြောင့် ဖြစ်ပါတယ်။ စိတ်ဖိစီးချိန်မှာဆို ခန္ဓာကိုယ်က ကိုယ်ဝန်ဆောင်ရာမှာ အရေးပါတဲ့ ပရိုဂျက်စတီရုန်းထက် ပိုပြီး အရေးကြီးတဲ့ ကော်တီဆောဟော်မုန်းတွေကိုသာ ထုတ်လုပ်ပါတော့တယ်။ ကံဆိုးတာကတော့ စိတ်ဖိစီးမှုက ဆက်တိုက်လိုလိုဖြစ်လာတဲ့အခါ ပရိုဂျက်စတီရုန်းတွေက နည်းသွားပြီး အီစထရိုဂျင်ဟော်မုန်းနှင့် ပရိုဂျက်စတီရုန်းတို့ရဲ့ မျှခြေပျက်ယွင်းသွားကာ အီစတီဂျင်ဟော်မုန်းတွေက ပိုလွှမ်းမိုးသွားပါတော့တယ်။

ဘာကြောင့်စိုးရိမ်သင့်သလဲ

အီစထရိုဂျင်ဟော်မုန်းတွေဟာ အမျိုးသမီးများ ခန္ဓာကိုယ်ကြီးထွားဖွံ့ ဖြိုးရေးအတွက် အဓိကကျပါတယ်။ အီစထရိုဂျင်ဟော်မုန်းတွေက လွှမ်းမိုးလာတဲ့အခါ ရင်သားနှင့် သားအိမ်တွင် အလုံးများ ဖြစ်ပေါ်ခြင်း၊ ရာသီဆုံးခါနီး ဝေဒနာများ ဖြစ်ပေါ်ခြင်း၊ ရာသီလာစဉ်နာကျင် ကိုက်ခဲခြင်း၊ ကလေးမရခြင်း၊ သကြားဓာတ်ကျဆင်းခြင်း၊ ကိုယ်ခံအား လွန်ကဲရောဂါများ၊ ရင်သားနှင့် မျိုးဥအိမ်ကင်ဆာများအား ဖြစ်ပွားမှု များပြားလာစေနိုင်ပါတယ်။ အဆိုပါရောဂါများ များပြားလာစေရုံသာမက သွေးဆုံးချိန်မှာ ခံစားရတတ်တဲ့ ဝေဒနာများကိုလည်း ပြင်းထန်စေတယ်လို့ အချို့သော ပညာရှင်များက ယူဆကြပါတယ်။ တကယ်တော့ အမျိုုးသမီးတွေဟာ သွေးဆုံချိန်ကို ညင်ညင်သာသာ ဖြတ်ကျော်နိုင်သင့်ပေမယ့် ဟော်မုန်းများ မညီမျှမှုကြောင့် ခက်ခဲနိိုင်ပါတယ်။ အီစထရိုဂျင်ဟော်မုန်း များပြားခြင်းကြောင့် မမျိုးဥကြွေချိန်မှာ နာကျင်ခြင်းဝေဒနာ ခံစားရတတ်ကာ လေပွခြင်း၊ သွေးတိုးခြင်း၊ စိတ်မတည်ငြိမ်ခြင်း၊ သွေးတွင်း သကြားဓာတ်ကျဆင်းခြင်း၊ အချိုစားချင်ခြင်း၊ ရင်သားနာကျင်ခြင်း၊ ဝမ်းချုပ်ခြင်း၊ ဝဖြိုးခြင်း၊ အားအင်ကုန်ခမ်းခြင်း၊ စိတ်အတက်အကျ မြန်ခြင်းတို့လည်း ဖြစ်ပွားနိုင်ပါတယ်။

သတင်းကောင်း

ကံကောင်းတာကတော့ အီစထရိုဂျင်ဟော်မုန်း မညီမျှမှုကို ရှောင်ရှားနိုင်တဲ့ နည်းလမ်းများစွာရှိပြီး အစားအသောက်နှင့် အနေအထိုင်တို့က အဓိက ဖြစ်ပါတယ်။ အမျှင်ဓာတ်ပါဝင်မှု များပြားတဲ့ အစားအသောက်များကို စားသင့်ပါတယ်။ ခန္ဓာကိုယ်အတွင်း ပိုလျှံနေတဲ့ အီစထရိုဂျင်ဟော်မုန်းတွေကို ဝမ်းထဲကနေ စွန့်ထုတ်လေ့ရှိပြီး အမျှင်ဓာတ်တွေက ဒီလို စွန့်ထုတ်မှုကို ပိုမို မြန်ဆန်စေပါတယ်။ ဒါ့အပြင် ဝမ်းချုပ်တဲ့အခါ အူထဲမှာနေတဲ့ ဘတ်တီးရီယားများက အီထရိုဂျင်ဟော်မုန်းနဲ့ ဆင်တူသော အရာများအား ထုတ်လုပ်မှုကို များပြားလာစေနိုင်ပါတယ်။ ဒါကြောင့် ဝမ်းမချုပ်အောင် အမျှင်ဓာတ်များများ စားပေးခြင်းက အီစထရိုဂျင်ဟော်မုန်းများ မတူညီမှုကို တားဆီးပေးနိုင်ပါတယ်။

ခန္ဓာကိုယ်အပေါ် ဖိစီးမှုများပြားစေသော အရာများအား လျော့ချနိုင်ရေးကလည်း အရေးကြီးပါတယ်။ ခန္ဓာကိုယက ချေဖျက်ရခက်တဲ့ အရာတွေဟာ ဘာတွေလည်း ဆိုတာကို သိရှိပါတယ်။ ဥပမာအားဖြင့် အသားတွေက ဟော်မုန်းတွေ ညီမျှရေးမှာ အရေးပါတဲ့ အခန်းကဏ္ဍက ပါဝင်နေပါတယ်။ လူတစ်ယောက်နဲ့ တစ်ယောက်ကတော့ ကွဲပြားနိုင်ပါတယ်။ ဥပမာ သက်သက်လွတ်စားသူ တစ်ဦးအတွက် သက်သက်လွတ်အစားအစာတွေက အဆင်ပြေနိုင်ပေမယ့် တချို့အတွက်တော့ အသားပါမှ အဆင်ပြေပါလိမ့်မယ်။ သို့သော်လည်း အသားထဲမှာပါတဲ့ အမိုင်နို အက်စစ်နှင့် အခြားအရာများက တစ်ခြားသော အစားအသောက်တွေမှာ ပါရှိခြင်မရှိပါဘူး။

အခြားသော အကျိုးရှိစေနိုင်တဲ့ အစားအသောက်များကတော့ ခန္ဓာကိုယ်ထဲက အန္တရာယ်ရှိတဲ့ အီထရိုဂျင် ဟော်မုန်းတွေကို ဆန့်ကျင်တိုက်ခိုက်နိုင်တဲ့ phytoestrogens တွေ ဖြစ်ကြပါတယ်။ phytoestrogens ပါဝင်မှု များပြားတဲ့ အစားအသောက်များကတော့ ပန်းသီး၊ အယ်လ်ဖာဖာ၊ ပင်လယ်ရေမှော်၊ ပဲအမျိုးမျိုးနှင့် ဂေါ်ဖီထုပ်မျိုးနွယ်ဝင် ဟင်းသီးဟင်းရွက်များ ဖြစ်ကြပါတယ်။ ရှောင်ကြဉ်ရမှာကတော့ Xenoestrogens တွေ ဖြစ်ပါတယ်။ အော်ဂဲနစ် အစားအစာများကိုသာ စားပါ။ ပလတ်စတစ်နဲ့ ထည့်ထားတဲ့၊ ပတ်ထားတဲ့ အစားအသောက်များကို ရှောင်ကြဉ်ပါ။ ရေကို ဖန်ခွက်နဲ့သာ ထည့်သောက်ပါ။ ပလတ်စတစ် ပစ္စည်းများ သုံးစွဲမှုကို လျှော့ချပါ။ အသည်းကို သန့်စင်စေသော လုပ်ဆောင်မှုများကို ပြုလုပ်ပြီး အသည်းကို ထိခိုက်စေမည့် အစားအစာများဖြစ်သော အရက်၊ သကြားဖြူ၊ ကြာရှည်ခံဆေးများ၊ ဆိုးဆေးများပါသော အစာများ၊ ဆေးဝါးများကို ရှောင်ပါ။ အသည်းအတွက် ကောင်းမွန်စေသော မုန်လာဥနီ၊ သံပုရာ၊ ကြက်သွန်၊ အစိမ်းရောင် အရွက်များကို စားပေးပါ။

READ :   ဆင်ခြေထောက်ဆိုသည်မှာ

အားဆေးများ သောက်ပေးခြင်းကလည်း အီစထရိုဂျင်ဟော်မုန်း မညီမျှမှုအတွက် အရေးပါပါတယ်။ စိတ်ဖိစီးမှုကို လျှော့ချနိုင်အောင် ကြိုးစားပါ။ ညဘက် အိပ်ရေး၀၀ အိပ်ပါ။ အိပ်စက်ချိန်မှာ ထွက်ပေါ်လာတဲ့ မယ်လတိုနင်ဟော်မုန်းများက အီထရိုဂျင် ဟော်မုန်းများကို တားဆီးနိုင်ပါတယ်။ အရက်သောက်ခြင်းကိုလည်း ရှောင်ကြဉ်သင့်ပါတယ်။ တစ်ပတ်ကို ဝိုင်နှစ်ခွက်လောက် သောက်ခြင်းကပင် သင့်ရဲ့အီစထရိုဂျင်ဟော်မုန်းတွေကို မကောင်းတဲ့အနေအထားရောက်အောင် တွန်းပို့နိုင်ပါတယ်။ ကော်ဖီအများကြီးသောက်ခြင်းကလည်း အီစထရိုဂျင်ဟော်မုန်းတွေကို များပြားစေနိုင်တဲ့အတွက် အသင့်အတင့်သာ သောက်ပေးသင့်ပါတယ်။

Comments

Loading...
-- Advertisement --