ရိုးရိုးသာမန် ဝက်သက်ရောဂါနှင့် မှားယွင်းတတ်သော ရောဂါတစ်မျိုးမှာ ဂျာမန်ဝက်သက်ရောဂါဖြစ်သည်။ အဆိုပါရောဂါနှစ်မျိုးမှာ ဖြစ်ပွားရခြင်း၏ ဇစ်မြစ်၊ လက္ခဏာ ၊ အန္တရာယ်ဖြစ်စေနိုင်မှုစသည်တို့၌ တူညီကြသည်မဟုတ်ပါ။
ရိုးရိုးသာမန်ဝက်သက် Measles (Rubella) နှင့် ဂျာမန်ဝက်သက် German measles(Rubella)တို့သည်ဗိုင်းရပ်စ်ပိုးကြောင့်ဖြစ်ကြသည်မှန်သော်လည်းပိုးမွှားခြင်းတူညီကြသည်မဟုတ်ပေ။ဝက်သက်ရောဂါ နှင့်ယှဉ်လလျှင်ဂျာမန်ဝက်သက်မှာအနုစားဝေဒနာလက္ခဏာများကိုသာဖြစ်စေသည်။အရှုပ်အထွေးလည်းနဲသည်။သို့သော်ကိုယ်ဝန်ဆောင်အမျိုးသမီးများတွင်ဖြစ်ပါက မွေးရာပါချို့ယွင်းချက်များဖြစ်စေသည်အထိအန္တရာယ်ကြီးလှပေသည်။ဂျာမန်ဝက်သက်သည် ရောဂါပိုးမွှားဝင်ရောက်ကူးစက်ခံရပြီး၁၂ရက်မှ၂၁ရက်အတွင်းတွင်ရောဂါလက္ခဏာများစတင်ဖြစ်ပေါ်တတ်သည်။ ကိုယ်အပူချိန်မြင့်တက်မူ (ဖျားခြင်း)မှာလည်းရိုးရိုးဝက်သက်လောက်မဆိုးဝါးပေ။လည်းပင်းနောက်၌လင့်ကျိတ်တချို့ရောင်ရမ်းမှု တွေ့ရနိုင်သည်။အခြားဆိုးဝါးသောလက္ခဏာများတွေ့ရခဲသည်။တချို့ကလေးငယ်များတွင်မည့်သည့်လက္ခဏာမျှမဖြစ်ပေါ်ဘဲ၊အနီရောင်အဖုအပိန့်အစက်အပျောက်လေးများထွက်ပေါ်လာမှသာ ရောဂါဖြစ်မှန်းသိရတတ်သည်။ အဖုအပိမ့် အစက်အပျောက်လေးများသည် မျက်နှာတွင် စတင်ပေါ်လာပြီး ကိုယ်ထည်နှင့်ခြေလက်တို့သို့ ပျံ့နှံံ့သွားလေ့ရှိသည်။ အချိန်ကြာမြင့်မှုလည်းမရှိပေ။တစ်ရက်နှစ်ရက်သာ ကြာတတ်သည်။အဖျားတက်လျင်လည်း၁၀၁ံဖါရင်ဟိုက်ထက်ပိုလေ့မရှိပါ။ကိုယ်ဝန်ဆောင်အမျိုးသမီးများအတွက် ဂျာမန်ဝက်သက်ရောဂါဖြစ်ပါက ဗိုင်းရက်စ်ပိုးများသည် မိခင်မှတစ်ဆင့်အချင်းကို ဖြတ်ကျော်ကာ ကလေးငယ်များထံရောက်ရှိသွားနိုင်သည်။ ဆိုဝါးသော မွေးရာပါချို့ယွင်းချက်ဖြစ်စေနိုင်သည်။နား၊မျက်စိ၊ နှလုံးနှင့်ခန္ဓာကိုယ်အင်္ဂါအစိတ်အပိုင်းတချို့တွင် မွေးရာပါချို့ယွင်းချက်များဖြစ်ပေါ်နိုင်သည်။ကလေးငယ်၏ဉာဏ်ရည်မှာလည်းနိမ့်ကျသွားတတ်သည်။ကလေးငယ်သည်နားကောင်းစွာမကြားရခြင်း(နားလေးခြင်း)၊အမြင်အာရုံချို့ယွင်းခြင်း၊ မွေးရာပါ နှလုံးရောဂါစသည်တို့အပြင်ဦးနှောက်၊အသည်းနှင့်လုံးတို့၌လည်းချို့ယွင်းချက်များဖြစ်ပေါ်နိုင်သည်၊၊မွေးဖွားပြီးနောက်ကလေး၏ရုပ်ပိုင်းနှင့်စိတ်ပိုင်းဆိုင်ရာဖွိ့ဖြိုးမူတို့မှာလည်းညံ့ဖျင်းနေတတ်သည်။ကိုယ်ဝန်ဆောင်အမျိုးသမီးများတွင် ကိုယ်ဝန်ဆောင် သုံးလအတွင်းဂျာမန်ဝက်သက်ရောဂါ ဖြစ်ပါက ကလေးငယ်များ၏ ၅၀ ရာခိုင်နှုန်းတွင်မွေးရာပါချို့ယွင်းချက်များပါလာနိုင်သည်။အကယ်၍ကိုယ်ဝန်သုံးလကျော်ပြီးချိန်မှ ရောဂါဖြစ်ပါကအန္တရာယ်အတော်ပင်နည်းသွားပြီ ဖြစ်သည်။ချို့ယွင်းချက်ဖြစ်ပေါ်မူမှာ၁၀ရာခိုင်နှုန်းသာရှိတော့သည်ဟုဆိုသည်။ဂျာမန်ဝက်သက်ရောဂါကိုကုသရာ၌တိကျသောကုထုံးဟူ၍မရှိပေ။ ဖြစ်ပေါ်လာသောဝေဒနာလက္ခဏာများကိုအခြေခံ၍ ကုသပေးကြရသည်။ ကိုယ်အပူချိန်တက်၍ ဖျားလျင် ပါရာဆက်တမော Paracetamol ပေးနိုင်သည်။အစားအစာပုံမှန်စားရန်လိုအပ်သည်။ ရှောင်ရန်မလိုအပ်ပါ။ ရေများများတိုက်ပေးသင့်သည်။ အထွေထွေကျန်းမာရေး စောင့်ရှောင့်မှုပေးရန်သာဖြစ်သည်။ ကိုယ်ဝန်ရယူရန် ရည်ရွယ်သောအမျိုးသမီးများအဖို့ဂျာမန်ဝက်သက်ရောဂါကာကွယ်ဆေးထိုးထားသင့်သည်။ကိုယ်ဝန်ဆောင်အမျိုးသမီးများသည်ဂျာမန်ဝက်သက်ရောဂါလူနာများနှင့်ထိတွေ့မူရှောင်ကြဉ်ရန်အရေးကြီးပါသည်။အကယ်၍ရောဂါဖြစ်လာပါကသို့မဟုတ်ဖြစ်သည်ဟုသံသယရှိပါကဆရာဝန်များထံချက်ချင်းသွားရောက်ပြသရမည်ဖြစ်ပါသည်။
AUTHOR – ဒေါက်တာအေးကျော် (ဇီဝကမ္မဗေဒ)