ဇီဝကတို့ လူထုမှာ သွားကျန်းမာရေးအသိ အားနည်းလှပါတယ် ။
ငယ်စဉ်ကလေးဘဝကတည်းက သွားကျန်းမာရေးကို ဂရုစိုက်မှ အသက်ကြီးလာတဲ့
အခါ ပုလဲလုံးလေးများ စီထားတဲ့ သွားအလှပိုင်ရှင်များဖြစ်မှာပါ ။ကလေး သွားနို့ပိုး
စားတယ်လို့ အရပ်ခေါ် ခေါ်တဲ့ Early Childhood Dental Caries အကြောင်းကို
ဒီဆောင်းပါးမှာ ဖော်ပြပါ့မယ် ။
ဒီ Early Childhood Dental Caries ဟာ ကမ္ဘာနဲ့ အဝှမ်း တွေ့ရ
ပါတယ် ။အထူးသဖြင့် ဖွံ့ဖြိုးမှုနည်းတဲ့ နိုင်ငံတွေမှာ ပိုဖြစ်ပါတယ် ။ဘာလို့လဲ ဆိုရင်
သွားကျန်းမာရေးကို ကျောင်းမှာကတည်းက အလေးပေးတဲ့ အကျင့်ကို ဖွံ့ဖြိုးပြီး
နိုင်ငံတွေက ကျင့်သုံးလို့ပါ ။
ကလေး သွားနို့ပိုးစားစေတဲ့ အကြောင်းတွေက အများကြီးပါ ။
-ခံတွင်းသန့်ရှင်းရေး
-သွားကျန်းမာရေး အလေ့အကျင့် ကျင့်သုံးမှု
-အစားအစာ စားသောက်ပုံ
-တံတွေးစီးဆင်းမှုနဲ့ တံတွေးထဲမှာ အက်ဆစ်ဓာတ်ကို ပြယ်စေနိုင်တဲ့ သတ္တိ အနည်း
အများ
-သွားပိုးစားလွယ်တဲ့ မျိုးရိုးဗီဇ
-ဖလိုရိုက်ထဲ ပါဝင်တဲ့ ဖလိုရိုက်ဓာတ် ပါဝင်မှုပမာဏ
-မိဘ အုပ်ထိန်းသူများထံမှ ခံတွင်းပိုးမွှားများ ကူးစက်ခံရမှု(ဥပမာ-ခံတွင်း ပိုးဝင်အနာ
များရှိသူ မိဘက ဝါးကျွေးတဲ့ အစားအစာများ)
စတဲ့ အချက်တွေ အပေါ်မူတည်ပါတယ် ။
ကလေးသွားကျန်းမာရေးနဲ့ သွားနို့ပိုးမစားအောင် ကြိုတင်ကာကွယ်
နိုင်တဲ့ နည်းလမ်းများကို ဆက်လက်ဖော်ပြပါ့မယ် ။
-နို့စို့ကလေးများရဲ့ သွားသန့်ရှင်းရေးကို မိခင်ကိုယ်တိုင် လုပ်ဆောင်ပေးပါ ။
-ရေဆွတ်ထားတဲ့ ဝါဂွမ်း ၊အဝတ်စ ၊တဘက်စ ကို မိခင်ရဲ့ လက်ညှိုးမှာ ရစ်ပတ်ပြီး
ကလေးရဲ့ ခံတွင်းသန့်ရှင်းရေးကို အနည်းဆုံး တစ်နေ့ ၂ကြိမ် သန့်ရှင်းပေးပါ ။
ကလေးသွားစပေါက်တဲ့ အရွယ်ကတည်းက စပြီး အထက်ပါအတိုင်း သန့်ရှင်းပေးပါ
-ကလေး အသက် ၁၀လ ၊၁နှစ်အရွယ်ကစပြီး ကလေးသုံး သွားတိုက်တံ နဲ့ စတင်
တိုက်ပေးလို့ ရပါပြီ ။အစပိုင်းကတော့ နည်းနည်းခက်ပါ့မယ် ။ကလေးကျင့်သားရ
အောင် ၄ ၊ ၅ ၊၁၀ စက္ကန့် လောက်စပြီး ကျင့်ယူပါ ။
-ကလေး အသက် ၁နှစ်ခွဲကနေ ၃နှစ်သားအထိ ဖလိုရိုက်ဓာတ်မပါတဲ့ သွားတိုက်
ဆေးသုံးပြီး တိုက်ပေးပါ ။ဖလိုရိုက်ဓာတ်ဟာ သွားကျန်းမာရေးအတွက် ကောင်း
သည် ဆိုသော်လည်း သွားကောင်းကောင်းမတိုက်တတ်သေးတဲ့ ဒီအရွယ်မှာ မျို
ချမိနိုင်တဲ့ အတွက် မလိုလားအပ်တဲ့ ဘေးထွက်ဆိုးကျိုးများ ဖြစ်နိုင်လို့ပါ ။
-အသက် ၃နှစ်ကစပြီး ဖလိုရိုက်ဓာတ်ပါတဲ့ သွားတိုက်ဆေးနဲ့ တိုက်စေပါ ။ဒါပေမယ့်
ကလေးကို သွားတိုက်ဆေး မထည့်ခိုင်းပါနဲ့ ။သွားတိုက်ဆေးတချို့သည် ချိုအေး
မွှေးသဖြင့် လိုတာထက် ပိုထည့်မိရင် ကလေးတွေ မျိုချမိတတ်တယ် ။အခန့်မသင့်
ရင် ဘေးထွက်ဆိုးကျိုးများ ခံစားရတတ်ပါတယ် ။ဒါကြောင့် ကလေး သွားတိုက်တဲ့
အခါ မိဘတွေ ကိုယ်တိုင် ပဲတီလုံးလောက်ပဲ ထည့်ပေးပါ ။
-တစ်နှစ်ကို တစ်ကြိမ် ကလေး အသက်၂နှစ်ခွဲမှ စပြီး သွားဆရာဝန်နဲ့ စစ်ဆေးမှု
ခံယူပါ ။
ခေတ်သစ် ဇီဝက